رياضة هذه ردود فعل التونسيين بعد خسارة صفاقس وفوز وهران بتنظيم الألعاب المتوسطية 2021
تم منح مدينة وهران الجزائرية شرف تنظيم الألعاب المتوسطية 2021 بعد تنافس كبير مع مدينة صفاقس التي قدمت ملفا للغرض قبل الحسم اليوم في بيسكارا، وخلف القرار غضبا كبيرا من "الصفاقسية" الذي دعوا الى تحرك احتجاجي على ما اعتبروه ضعف دعم حكومي لملف مدينة عاصمة الجنوب.
ومن بين ما كتبه انصار ملف صفاقس لإحتضان الألعاب المتوسطية:
-دموعي على خدي صدقني وجعتني برشا أما يززي ناس الكل دعمتنا حتى بكلمة حلوة خسارة والله
-خسرنا شرف التنظيم لكن ما نسلموش في حقنا .. المشاريع لازم تتحقق
-صفاقس مش تتنافس ما وهران. صفاقس تتنافس مع الجزائر كدولة وكقوة ديبلوماسية بإمكانيات صفاقسية شبابية بحته. الدولة التونسية ما تمارسش التهميش ضد سيدي بوزيد و الڨصرين و الدواخل فقط بل حتى ضد صفاقس. وقت الي تولي عدنا دولة تعامل المنار وحي النصر وقرطاج كما تعامل باب بحر و باب الديوان.. أتو نحكيو على إمكانية ترشيح مدينة تونسية.
-إلي ما يقتلك يقويك صفاقس فكرة و الفكرة متموتش نكملوا نخدموا و نكونوا احنا الفرق والباقي ربي يسهل فيه ..
الخدمة تبدى تو برسمي لزم الخدمة تكون واضحة نشالله نوقفوا للجهة متاعنا
-بلادكم ابنيوها بإيديكم
لا تستناو ألعاب اولمبية و لا العاب و طنية و لا غيروا....
الله غالب.
-برافو للصفاقسيه كل برافو لناس سهرت ع ملف لاخر لحضه برافو للوفد الي مشی بيسكارا
الله غالب دولتنا الكلبه رفضت مساندة الملف و حلم ضاع
علاش خاطر صفاقس جنوب؟
ع كل حال مبروك لوهران و الف الف مبروك لصفاقس بالرجال الي عندها
-وهران لي فازت بففففففففففففففففففففففففففف يا ربــــــــــــي مع الأسف
ياخسارة أكيييييييد فما ورااء هالحكاية
علااااااااااااااااش هكااااااااااااا ؟؟؟؟؟؟؟؟؟؟؟؟؟
صفاقس بش تقعد هــــــــي صفاقس وخدمنا خدمة شريفة وباهية وتشرف ماجاتش في صالحنا هالمرة نجيبو أعظم من هكاااااا
-مبروك لوهران عندها بلاد كاملة اتدافع عليها و حكومة و تضحيات احنا حتى اشهار في التلفزة معملتوش
-ليس بوقوف على الاطلال مبروك للجزائر ملف وهران كان حاضر أكثر من ملفنا و ذلك ل3 أسباب معلومة:
أولا : مركب وهران الرياضي كان حاضر وشرع في انجازه منذ مدة عكس المدينة الأولمبية بصفاقس التي بقيت لعقود مجرد حبر على ورق يعكس صور التهميش لمدينة صفاقس .
ثانيا : دعم ضعيف ومحتشم للسلطات المركزية يطرح عديد نقاط الاستفهام وخاصة في مستوى وزارة التجهيز و الوزارة الخارجية و وزارة الشباب و الرياضة .
ثالثا : غياب شبه كلي للأجهزة الاعلامية العمومية و الخاصة على غرار تنوعها كذلك يطرح عديد نقاط الاستفهام.
لكن في الأخير علامة 10/10 للمجتمع المدني في صفاقس الذي لم يدخر اي جهد من أجل إنجاح الملف و دون أن ننسى كلمة تبا و 1000 تبا لكل من يقف في وجه مدينة صفاقس
-فرصة تاريخية ضاعت .. كان الدولة الي تنتميلها ما وقفتش معاك من البداية .. ما تنتظرش من دول أخرى باش تاقف معاك
